ترکیه حکومتی قریب بیر ییل کیچیکتیریلیشی‌دن کیین سویدن مملکتی ناتو اعضاسی‌گه ایلَنیش‌گه راضی‌لیک بیلدیردی.
ترکیه‌نینگ بو قراری آرتیدن، حاضر امریکا قوشمه ایالت‌لری، ترکیه‌گه کمیده ۴۰ ته اف – ۱۶ جنگچی اوچاقی‌نی ساتیش‌گه قرار قیلگن.
ترکیه «تیرتی» یېتکرمه‌سی نینگ بو خصوصده ترقه‌تگن گزارشی‌گه اساس، امریکا قوشمه ایالت‌لری نینگ حکومتی بو مملکت وکیل‌لری مجلسی یاده سناگه، ترکیه‌گه قریب ۲۳ میلیارد دالرلیک، اف – ۱۶ جنگچی اوچاقی‌نی ساتیلیشی خصوصیده مکتوب یوبارگن.
امریکا حکومتی تامانیدن بو خصوصده، سناگه یوباریلگن یازمه بیانات‌نی بیر بولیمی‌گه کیلیشیچه: ” امریکا تشقی ایشلر وزیرلیگی ترکیه‌گه، قریب ۲۳ میلیارد دالرلیک، ۴۰ ته اف – ۱۶ جنگچی اوچاق ساتیلیشی‌نی قرار قیلگن.”
دیمک حاضر امریکا وکیل‌لر مجلسی یا ده «سنا» بو قرارنی تیکشیریش اوچون و اونگه بۉلگن اعتراضنی کیله‌سی ۱۵ کونگه قدر ترقه‌تیشی کېره‌ک، بیراق ایتیلیشیچه، امریکا سناسی‌نینگ تشقی ایشلر بوییچه کمیته‌سی بو خصوصده اۉزینی راضی‌لیگینی معلوم قیلگن.
بو قرار بیلن، ترکیه حربی کوچلری هر قنده‌ی شرایط عملیات بجریش، تاووش‌دن تشقری تیزلیککه ایگه و شونینگدېک نیچه مقصدنی بیردیک نشان‌گه آلیش کوچی‌گه اېگه بۉلگن، اف – ۱۶ جنگچی اوچاقی بیلن جهازلنه‌دی و بو اېسه ترکیه حربی کوچلریگه ینگی بیر کوچ بیریشی ممکن.
