رویترز گزارشی اساسیده، حماس گروهیگه بو گروه همده اسراییل حکومتی آره‌سیده‌گی واسطه‌چیلر تامانیدن، اۉچ باسقیچلیک آتیش_کیسین تکلیف اېتیلگن.
دیمک حاضرگه قدر حماس گروهی نینگ رسمی‌لری مذکور تکلیف‌نی تیکشیرماقده؛ بو تکلیف‌لر قبول اېتیلگن تقدیرده نیچه آی دن بیری دوام اېتیب کیلگن غزه اوروشی‌گه وقتینچه‌لیک نقطه قۉییلیشی ممکن.
ایتیلیشیچه مذکور تکلیف‌لر، بیرینچی باسقیچ‌ده حماس اسیری بۉلگن ملکی انسان‌لر، کیېن اېسه اسراییل حربی‌لری قوییب یوباریلیشی و اونی آرتیدن اسراییل گه تېگیشلی جسدلر تاپشیریلیشیدن عبارت دیر.
ایتیش کېره‌ک که حاضرگه قدر غزه اوروشی‌نی یکونلنتیریش خصوصیده‌گی سعی‌وحرکت نتیجه بیرگن ایمس و اسراییل رسمی‌لری اوروش‌نی دوام اېتیریش‌گه جدی ایکن‌لرینی بیلدیریب کیلماقده.
