تخار و هرات ولایت‌لریده صادر بۉلگن ایکی تورلی واقعه عاقبتیده ایکی یاش قیز اۉلدیریلگن.
بو جلمه‌دن، تخار ولایتیده صادر بۉلگن واقعه‌ده، بیر یاش قیز اۉزینی تورموش اورتاغی تامانیدن اۉلدیریلگن.
مذکور واقعه اوتکن کون جمعه، ۱۳ – دلو تخار ولایتی مرکزی نینگ تورتینچی خوفسیزلیک حوزه‌سیگه تېگیشلی «نهرچمن» منطقه‌سیده صادر بۉلگن.
اوشبو واقعه عاقبتیده قربان بۉلگن قیز ۱۶ یاش‌‌گه ایکن‌لیگی ایتیلگن و بو قیز ینگی‌لیکده اونشتیریلگن تورموش اورتاغی تامانیدن، اوققه توتیلیب، اۉلدیریلگن.
شوندی بیرحالده، ینه بیر واقعه عاقبتیده هرات ولایتیده هم بیر یاش قیز اۉلدیریلگن.
ایتیلیشیچه، بو قیز ناتانیش کیشی‌لر تامانیدن اوت‌گه بیریلگن و اونی کویدیریلگن جسدی اوتکن کون جمعه ۱۳ – دلو هرات شهری نینگ اۉن ایکینچی حوزه‌سیدن تاپیلگن.
