پاکستان‌ده پنجشنبه، کونی ۸ – فبروری اۉتکزیلگن سیلاو نینگ یکونلی نتیجه‌سی حاضرگه قدر اعلان اېتیلگن اېمس.
دیمک بو سیلاو نتیجه‌سی نینگ کیچیکتیریلیشی، کوپلب ناراض‌لیکلرنی اۉرته‌گه آلیب کیلماقده و بو خصوصده «تحریک انصاف» حزبی نمایش اۉتکزیشیدن آگاه‌لنتیرگن.
حاضرگه قدر پاکستان سیلاوی نینگ دستلبکی نتیجه‌سی اعلان بۉلگن و بو نتیجه اساسیده، عمران خان رهبرلیگیده بۉلگن «تحریک انصاف» حزبی غلبه عرفه‌سیده دیر.
بو حزب نینگ سرپرست رهبری گوهر علی خان بوکون شنبه، ۱۰ – دلو اۉتکزگن خبری ییغینیده، سیلاو یکونلی نتیجه‌سی کیله‌سی کیچه‌گه قدر اعلان بۉلمه‌گن تقدیرده، تحریک انصاف حزبی تامانیدن، ناراضلیک نمایش‌لر یۉلگه قوییلیشیدن آگاه‌لنتیرگن.
ایتیش کېره‌ک که سیلاو یکونلی نتیجه‌سی کیچیکتیریلیشیگه قرشی اۉتکزیلگن نمایش‌لردن بیری قورالی هجوم‌گه هم گواه بۉلدی.
بو هجوم عاقبتیده نمایش اوتکزگن پاکستان سیاسی سیمالریدن بیری بۉلمیش محسن داور و باشقه ایکی کیشی یره‌لنگن.
دیمک، پاکستان سیلاوی نینگ دستلبکی نتیجه‌سیگه اساس، پاکستان سابق باش وزیری عمران خان رهبرلیگیده بۉلگن «تحریک انصاف» حزبی نینگ مستقل حالده قتنشگن نامزدلری پاکستان پارلمان نینگ چوکی‌لری جمله‌سیدن ۹۹ اۉرین‌نی ایگله‌گن.
نوازشریف رهبرلیگیده بۉلگن «مسلم لیگ» حزبی اېسه ۷۱ چوکی و شونینگدېک بلاول بوتو زرداری نینگ خلق حزبی ۵۳ چوکی‌گه اېگه بۉلگن.
