بیرلشکن ملت‌لر تشکیلاتی تامانیدن، افغانستان خصوصیده دوحه شهریده اوتکزیلگن ییغین توغریسیده بۉلگن سلبی و ایجابی فکرلر دوام اېتماقده.
دیمک ایکی کونلیک بو ییغین دلو آیی نینگ ۲۹ – و ۳۰ – کونلریده، قطر باشکینتی دوحه شهریده یۉلگه قوییلگن اېدی.
بو ییغین اېسه تورلی خیل فکرلر و اویلاولرنی اۉرته‌گه آلیب کېلگن و ایریملر ییغین اوتکزیلیشینی خوش قرشی‌لگن بۉلسه‌ده، بیراق ایریملر اېسه اونگه قرشی سلبی فکر بیلدیرماقده.
بو فکرلر جمله‌سیدن، روسیه تشقی ایشلر وزیرلیگی نینگ سۉزلاوچیسی ماریا زاخارووا بو ییغین موفقیت‌سیزلیککه اوچره‌گن دېب، معلوم قیلگن.
روسیه تشقی ایشلر وزیرلیگی نینگ سۉزلاوچیسی، افغانستان خصوصیده مخصوص وکیل تعیین اېتیلیشی و افغانستان توغریسیده بۉلگن «تماس گروهی» قوریلیشی خصوصیده هیچ قندی بیر قرار آلینمه‌گنی باعث بو ییغین موفقیت‌سیزلیک بیلن یکونلندی دېگن.
روسیه تشقی ایشلر وزیرلیگی سۉزلاوچیسی نینگ دوحه ییغینی خصوصیده بۉلگن اویلاوی‌گه قرشی، اروپا اتفاق نینگ افغانستان بۉییچه مخصوص وکیلی، بو ییغین‌نی اونملی اوقیگن.
افغانستان بۉییچه اروپا اتفاقی نینگ مخصوص وکیلی توماس نیکلاسون اۉزینی ایکس صحیفه‌سیده یازگن بیاناتی‌گه اساس، بو ییغین اشتراکچیلری آره‌سیده افغانستان خصوصیده کوچلی بیر تعهد بار اېدی.
عینی حالده، امریکا قۉشمه ایالت‌لری تشقی ایشلر وزیرلیگی نینگ سۉزلاوچیسی متیو میلر دوحه ییغینیده ریجه‌لشتیریلگن موضوع‌لر خصوصیده یخشی‌لب بحث اېتیلگنینی معلوم قیلگن.
امریکا تشقی ایشلر وزیرلیگی نینگ سۉزلاوچیسی طالبان حکومتی بو ییغین‌ده اشتراک اېتمه‌گنی خصوصیده هم فکر بیلدیریب، اوندن حیرت‌لنمه‌گنینی تیلگه آلگن.
شونینگدېک میلر، طالبان افغانستان کیله‌جگینی یککه اۉزلری حل اېتیش توشینچه‌سیگه بۉلمسلیکلرینی اورغوله‌شگن.
ایتیش کېره‌ک که دوحه ییغینی قرشیسیده افغانستان ایچکریسیده هم تورلی خیل فکرلر موجود.
بو فکرلردن کوپینچه‌سی، کیله‌جگده دوحه ییغینی سبب‌لی افغانستان‌ده اونملی بیر اوزگریش کیلیشی‌گه ایشانمه‌یدیلر.
