طالبان حکومتی نینگ غزنی ولایتیده‌گی مدنیت و اخبارات ریاستی بوکون پنجشنبه، ۳- دلو، غزنی ولایتیده ایکی کیشی اعدام اېتیلیشی‌نی اعلام قیلگن.
طالبان نینگ غزنی ولایتیده‌گی مدنیت و اخبارات ریاستی، بو ولایت اهالیسی اعدام صحنه‌سینی یقین‌دن کوریشلری ممکن، بیراق اولر اوزلری بیلن کمره و تلیفون آلیب کیلمسلیک‌لرینی معلوم قیلگن.
دیمک، طالبان‌گه کوره بو ایکی کیشی نینگ محکمه‌سی یکونلنگن و محکمه بویروغی‌گه اساس، اولر غزنی ولایت فوتبال میدانیده اعدام اېتیله‌دیلر.
بو خصوصده ترقه‌تیلگن، بیانات‌گه طالبان تامانیدن اعدام اېتیلیشی کوتیلگن ایکی کیشی‌نینگ عیبی و کیملیگی خصوصیده معلومات بیریلمه‌گن.
طالبان نینگ اعلام قیلیشیچه، بو کیشی‌لر «قصاص» اېتیلماقده.
دیمک، طالبان تامانیدن قولگه آلینگن قصاص و محکمه‌لر بوندن ایلگری انسان حق‌لرینی کوزه‌تووچی تشکیلات‌لر خواطریگه هم سبب بۉلگن اېدی.
