بوندن ایکی ییل ایلگری، یعنی میلادی ۲۰۲۲ – ییل فبروی آیی نینگ ۲۴ – کونی، روسیه حربی کوچلری اوکراین اوستیده‌گی هجوم‌لرینی باشله‌گن اېدی.
مذکور واقعه باشلنیشیدن ایکی ییل زمان اوتماقده بۉلسه هم بیراق بو اوروش‌گه نقطه قوییلیشی خصوصیده بۉلگن سعی‌وحرکت‌لرگه قرشی اوکراین و روسیه حربی کوچلری بیر بیراولری برابریده توقنه‌شوونی دوام اېتیب کیلماقده‌لر.
میلادی ۲۰۲۲ – ییل فبروی آیی نینگ ۲۴ – سیدن ایلگری، روسیه مملکتی بیرقنچه مراتبه اۉزینی قوشنی‌سی اوکراین مملکتنی ناتو خوفسیزلیک تشکیلاتی گه اعضا بۉلیشی خصوصیده آگاه‌لنتیرگن اېدی.
بیراق بو آگاه‌لنتیریشلردن کیین روسیه جمهور باشلیغی ولادیمیر پوتین، اوکراین ناتو خوفسیزلیک تشکیلاتی اعضاسیگه ایلَنیشینی روسیه ملی خوفسیزلیگی خواطر اوقیب، اوکراین اوستیده هجوم اېتیلیشیگه بویروغ بېردی.
بیرلشکن ملت‌لر تشکیلاتی نینگ باش کاتبی آنتونیو گوتریش، بو تشکیلات خوفسیزلیک کېنگش‌گه نطق سۉزلب، اوکراین اوروشی ایکی ییل‌دن بۉیان اروپا یوره‌گیده آچیق بیر یاره کبی دوام اېتماقده‌لیگینی تیلگه آلگن.
بیرلشکن ملت‌لر تشکیلاتی نینگ باش کاتبی، اوکراین اوروش‌نینگ ایکینچی ییل‌لیگی مناسبتی بیلن بۉلگن بو سۉزلریده، اوکراین ایرکین‌لیگی مهم ایکن‌لیگینی اورغوله‌شگن.
روسیه نینگ اوکراین اوستیده بۉلگن هجومی کوتیلمه‌گن حالده کوپلب زمان‌لرگه دوام سۉردی و حاضرهم قچان بو اوروش یکونلنیشی بیللی بۉلمه‌ی دوام اېتیب کیلماقده.
اوکراین اوروشی‌نینگ ایکینچی ییل‌لیگی مناسبتی بیلن اوکراین آرقه‌سیده تۉرگن غربی مملکت‌لردن کوپینچه‌سی، اینقسه امریکا و اروپا اتفاقی روسیه‌گه ینگی تحریم‌لرنی قۉلگه آلگن.
امریکا قۉشمه ایالت‌لری جمهورلیک ریاست سرایی یاده «آق‌سرای» تامانیدن بو خصوصده ترقه‌تیلگن بیانات‌گه اساس، امریکا روسیه‌گه قرشی ۵۰۰ دن آرتیق تحریم‌نی اعلان قیلگن.
بو ینگی تحریم‌لر روسیه نینگ اوکراین اوستیده بۉلگن هجومی همده روسیه جمهور باشلیغی ولادیمیر پوتین نینگ مخالف‌لریدن بۉلمیش الکسی ناوالنی اۉلیمی سبب آلینگنی معلوم قیلینگن.
شونینگدېک، اروپا اتفاقی هم اوکراین اوروش‌نینگ ایکینچی ییل‌لیگی مناسبتی بیلن، روسیه اوستیده اۉزینی ینگی تحریم‌لریدن خبر بېرگن.
اروپا اتفاقی نینگ روسیه‌گه قرشی تحریم‌لری، روسیه‌گه قۉرال انتقال بیریلشیگه قۉلی بۉلگنی ایتَیلگن کمیده ۲۰۰ کمپنیه‌نی نشان‌گه آلگن.
