هندوستان‌لیک میلیارددر موکیش امبانی اوغلی آننت امبانی تویی‌گه ۵۰ مینگ مهمان چقیرگن.
ایتیلیشیچه، توی‌گه چقیریلگن بو مهمان‌لر ایچیده دنیا بۉیلب، سیاست، اقتصادیات، سپورت و مدنیت بۉییچه اینگ تانیقلی انسان‌لر هم شامل دیر.
فیسبوک کمپنیه‌سی نینگ باشلیغی مارک زاکربرگ و اونینگ تورموش اورتاغی، مایکروسافت کمپنیه‌سی نینگ باشلیغی بیل گیتس، تانیقلی امریکالیک قوشیقچی ریحانا، امریکا سابق جمهور باشلیغی نینگ قیزی ایوانکا ترامپ، سویدن و کانادا سابق باش وزیرلری، کارل بلت و استفن هارپر و شونگه اوخشش بالیوود یولدوزلری بۉلمیش آمیتاب بچن و شاهرخ خان اوشبو مهمان‌لر جمله‌سیدن دیر.
ایتیلیشیچه، بو توی مراسمیده قوشیق اجرا اېتیشی اوچون امریکالیک خواننده ریحاناگه توققیز میلیون دالر توللنه‌دی.
دیمک، فوربز گزیته‌سی نینگ تدقیقاتیگه اساس، موکیش امبانی ۱۴۴ میلیارد دالر بای‌لیک بیلن آسیا نینگ اینگ بای انسانی دیر.
