سالنگ عمومی قتناو یۉلی، کوچلی قار و بوران‌لر باعث اۉچ کیچه و کوندوز دیر که هر قندی باریب-کیلیش یوزیگه پاپیق قالیب کیلماقده.
طالبان عامه منفعت‌لر وزیرلیگی سۉزلاوچیسی محمداشرف حق‌شناس نینگ اعلان قیلیشیچه، اوشبو مدت جریانیده سالنگ‌لرده ۱۶ مراتبه قار کوچیشی یۉز بېرگن.
بو وزیرلیک سۉزلاچیسی نینگ آرتیق‌لشیچه، سالنگ‌لرنی ایریم منطقه‌لریده قار قلین‌لیگی ایکی مترگه قدر ییتیشگن.
سالنگ‌لردن بۉلگن محلی منبع‌لرنی ایتیشیچه، بو یۉل‌نی آچیش ایشلری حاضرگه قدر باشلنگن یۉق و بوکون هم یۉل آچیلیشی انیق بیللی اېمس.
معلومات‌لرگه اساس، حاضر سالنگ‌ده قار کوچیشی صادر بۉلیش خوفی هم بار شو باعث، بو یۉل‌ده سفر قیلمسلیک توصیه اېتیله‌دی.
ایتیش کېره‌ک که سالنگ عمومی قتناو یۉلی اخیرگی بیر هفته ایچیده بیر کون آچیلگن اېدی و قالگن کونلر کوچلی قار باعث یاپیق قالگن.
