طالبان حکومتی صناعت و سوداگرلیک وزیرلیگی نینگ سرپرستی نورالدین عزیزی باشچیلیگیده بۉلگن بیر هیات، ترکمنستان‌گه سفر قیلگن.
دیمک، اخیرگی کونلر ایچیده طالبان نینگ ترکمنستان مملکتیده بۉلگن بو ایکینچی اقتصادی هیاتی دیر.
بوندن ایلگری، طالبان نینگ تشقی ایشلر وزیرلیگی نینگ سرپرستی امیرخان متقی ییتکچیلیگیده بۉلگن هیاتی ترکمنستان سفر قیلیب، ترکمنستان‌لیک رسمی‌لر بیلن کوپلب مساله‌لر اینقسه اقتصادی مساله‌لرنی محاکمه اېتگن اېدی.
بو سفردن ترقه‌تیلگن معلومات‌لرگه کۉره، طالبان نینگ اوشبو هیاتی تیمیر یۉل، ترانسپورت، برق همده تاپی کبی ییریک اقتصادی لایحه‌لر خصوصیده بحث آلیب بایلگن.
حاضر اېسه طالبان، صناعت و سوداگرلیک وزیرلیگی نینگ سرپرستی باشچیلیگیده بۉلگن ینه بیر هیات‌نی ترکمنستان‌گه یۉبارگن.
طالبان صناعت و سوداگرلیک وزیرلیگی تامانیدن ترقه‌تیلگن بیانات‌گه اساس، اوشبو سفرنینگ مقصدلریدن اونملی‌سی، ترکمن-افغان اقتصادی کنفرانس‌نینگ آچیش، افغانستان‌لیک سوداگرلیک توارلری کورگزمه‌سینی اوتکزیش و ایکی مملکت خصوصی سکتوری نینگ اوچره‌شیشی دیر.
ایتیش کېره‌ک که اورته آسیا مملکت‌لریدن کوپینچه‌سی جمله‌دن ترکمنستان مملکتی، اوتکن ایکی ییل جریانیده افغانستان برابریده اقتصادی توشینچه باعث علاقه‌لریگه دوام بېریش‌گه اولگورگن.
