ترکیه ایچکی ایشلر وزیری علی یارلی کایا اۉزینی ایکس صحیفه‌سیده بو مملکت بۉیلب، داعش گروهی‌گه قرشی بجریلگن عملیات‌لر خصوصیده معلومات بېردی.
علی یارلی کایا تامانیدن، بوکون سه‌شنبه ۷ – حمل، ترقه‌تیلگن معلومات‌گه اساس جاری میلادی ییل جنوری آیی‌نینگ باشلنیشیدن حاضرگه قدر ترکیه‌ده ۲ مینگ و ۹۱۹ داعش اعضاسی اوشلب آلینگن.
دیمک، داعش اعضالیگیگه عیب‌لنگن اوشبو کیشی‌لر بیر مینگ و ۳۲۹ عملیات عاقبتیده توتقین‌گه آلینگن.
شونینگدېک، ترکیه ایچکی ایشلر وزیری، ینگی‌لیکده بو مملکت نینگ سکایا شهریده بجریلگن ۱۷ عملیات عاقبتیده، ۱۴۷ داعش اعضاسی قۉلگه آلینگنینی معلوم قیلدی.
دیمک، ترکیه‌ده داعش‌گه اعضا عیبلاوی بیلن قۉلگه آلینگن کیشی‌لر جمله‌سیدن ۶۹۲ کیشی قماقده دیر، ۵۳۱ کیشی هم قضایی باشقیریلیش شرطی بیلن آزاد اېتیلگن و ینه ۱۸۷ کیشی نینگ قضایی قضیه‌سی جریان تاپماقده.
