طالبان ایچکی ایشلر وزیرلیگی نینگ سۉزلاوچیسی عبدالمتین قانع بوکون کابلده خبری بیر ییغین اوتکزیب، افغانستان نینگ خوفسیزلیک وضعیتی خصوصیده معلومات بېردی.
طالبان‌گه کۉره، قویاش ۱۴۰۲ – ییل نینگ اخیرگی آلتی آیی جریانیده ۸ مینگ و ۷۴۸ جنایت رویخط‌گه آلینگن که اوشبو واقعه‌لرگه باغلیق ۱۲ مینگ و ۵۴۰ کیشی هم طالبان تامانیدن قۉلگه آلینگن.
شونینگدېک، طالبان ایچکی ایشلر وزیرلیگی اوشبو مدت جریانیده ۱۹ اختطاف واقعه‌سی صادر بۉلگن و طالبان بو جنایت‌گه باغلیق ۱۷۲ کیشی قۉلگه آلینگنی، ینه ۲۱ کیشی هلاک اېتیلگنیدن خبر بېردی.
طالبان ایچکی ایشلر وزیرلیگی همده اخیرگی آلتی آی جریانیده ۸۰۰ کیشی جمله‌دن ۴۴۹ طالبان اعضاسی فسادگه عیب‌لنیب توتقین‌گه آلینگنیدن خبر بپره‌دی.
بو وزیرلیک تامانیدن ترقه‌تیلگن معلومات‌گه اساس، اخیرگی آلتی جریانیده افغانستان‌ده صادر بۉلگن بیرمینگ و ۹۷۸ ترافیکی حادثه عاقبتیده ۹۴۹ کیشی جان بېریب، ینه ۳۰۳ کیشی یره‌لنگن.
طالبان ایچکی ایشلر وزیرلیگی همده افغانستان‌ده هیچ قنده‌ی قورالی بیر گروه فعال اېمسلیگینی تیلگه آلیب، اۉتگن ییل جریانیده افغانستان نینگ کوپلب ولایتلریده هیچ قنده‌ی ناتینچ‌لیک واقعه صادر بۉلمه‌گنینی ادعا قیله‌دی.
