اوروش تدقیقات‌لری بۉییچه بۉلگن انستیتوت اۉزینی ینگی بیر گزارش‌نی ترقه‌تیب، طالبان حاکمیتی نینگ ایچکی قیینچیلیکلری خصوصیده دقت قره‌تگن.
بو گزارش‌گه اساس، افغانستان شمالی ولایتلری یشاوچیلری جمله‌دن اۉزبېک‌لر، تُرکمن‌لر و تاجیک‌لر ییرلری پشتون کوچی‌لری هجومی آستیده دیر، بیراق طالبان بو هجوملرنی باشقیریش‌گه قادر بۉلمه‌گن.
اوروش تدقیقات‌لری انستیتوتی، اۉزینی بو گزارشیده، اوشبو وضعیت دوامی همده طالبان نینگ شمالی ولایتلرده‌گی قومندان‌لری ضعیف‌لنیشی، بو ولایتلر اهالی‌سی ایچیده طالبان‌گه قرشی مخالفت‌لرنی آرتیره‌دی دېب، آگاه‌لنتیرگن.
شونینگدېک، بو گزارش طالبان اینقسه بو حاکمیت رهبری هیبت الله آخندزاده افغانستان‌نینگ اوزاق مدت‌لیک اجتماعی و اقتصادی قیینچیلیکلرینی حل اېتیش‌گه قادر اېمس دېب معلوم قیلگن.
اوروش تدقیقات‌لری انستیتوت‌نینگ ۳۷ صحیفه‌دن عبارت بۉلگن بو گزارشیده، طالبان تامانیدن ییر اوستیده‌گی جنجل‌لرگه یخشی‌لب ییتیشیلمه‌گنی، جدی ناراضلیکلرگه باعث بۉلگنی بیلدیریلگن.
شونینگدېک، مذکور انستیتوت اۉزینی گزارشیده، طالبان حاکمیتی آستیده بۉلگن افغانستان‌ده سلفی – جهادی قورالی گروه‌لر کوچ‌لنگنینی معلوم قیلگن.
دیمک، طالبان حاکمیت‌گه قیتگنیدن بۉیان افغانستان نینگ ایریم ولایتلری جمله‌دن، تخار، فاریاب، سرپل، جوزجان، بلخ و شونگه اوخشش باشقه بیر قنچه ولایتلرده طالبان تامانیدن قولب-قوتلنگن کوچیلر اهالی ییرلری و یشش اوی‌لری اوستیده هجوم همده اونگه ایگه بۉلگن‌لیک ادعالرینی بیان قیلگن.
بو اېسه کوپلب جدی اعتراضلر و ناراضلیکلرنی هم اۉرته‌گه آلیب کیلگن.
