بیرلشکن ملتلر تشکیلاتی نینگ باش کاتبی آنتونیو گوتریش، اوروش‌لردن قالگن ییر آستیده‌گی ماین‌لر و حربی مهمات‌لر دنیانی تهدیدگه سالگنیدن خواطر بیلدیرگن.
گوتریش گه کۉره، “ییر آستیده‌گی ماین‌لر، پارتلش مهمات‌لری و اوروش‌لردن قالگن حربی مهمات‌لر، دنیا بۉیلب مملکت‌لرنی، افغانستان‌دن آلیب، میانمار، سودان، اوکراین، کلمبیا و غزه شهریگه قدر تهدید قیله‌دی.”
گوتریش بو سۉزلر، بوکون تۉرتینچی اپریل خلق‌ارا ماین‌لر خطرلریدن خبردارلیک کونی مناسبتی بیلن ترقه‌تگن پیامیده بیان قیلگن.
بیرلشکن ملتلر تشکیلاتی نینگ باش کاتبی، بو ییل اوشبو کون‌دن «تیریکچیلیک‌نی سقلَش – تینچ‌لیک قوریش» شعاری بیلن نشان‌لنگنینی معلوم قیلیب، دنیا بۉیلب، مملکت‌لردن بو خصوصده جدی بۉلیش‌لرینی خواهله‌گن.
ایتیش کېره‌ک که اوروش‌لردن پارتلمه‌ی قالگن ماین‌لر، افغانستان‌ده ییل ایچیده یوزلرچه کیشی اینقسه باله‌لرنی جان‌نی آله‌دی یاده هم اولرنی ناگران قیله‌دی.
