شمالی اتلانتیک حربی بیرلیگی یاده «ناتو» تشکیلاتی نینگ تشقی ایشلر وزیرلری، ایکی کون‌لیک بیر ییغین اوچون بروکسیل شهریده ییغیلگن.
دیمک، اپریل آیی نینگ اۉچینچی و تۉرتینچی کونلری اوتکزیلیشی ریجه‌لشتیریلگن بو ییغین، ناتو تشکیلاتی قوریلگنینی ۷۵ – ییل‌لیگیگه بخش‌لنگن.
ناتو تشکیلاتی نینگ ییل‌لیگیدن نشان‌لش مقصد یۉلگه قوییلگن بو ییغین‌ده، اوکراین‌ده‌گی اوروش مساله‌سی مهم بحث اېدی.
بو ییغین‌ده، ناتو تشکیلاتی نینگ باش کاتبی ینس استولتنبرگ ابتکاری بیلن تیارلنگن تکلیف ارایه اېتیلدی.
بو تکلیف‌گه اساس، ناتو تشکیلاتیگه اعضا ۳۲ مملکت اوکراین حربی کوچلرینی قولب-قوتلش مقصد ۱۰۰ میلیارد یورودن عبارت بۉلگن مالی بیر صندیغ قوریلیشی خصوصیده قرار آلیشی کېره‌ک.
بیراق بو خصوصده، ناتو تشکیلاتی تشقی ایشلر وزیرلرینی ییغینیده یکونلی قرار آلینمه‌گن.
ناتو تشکیلاتی نینگ باش کاتبی ینس استولتنبرگ بو خصوصده بۉلگن قرار، ناتو تشکیلاتی نینگ امریکاده اوتکزیلیشی کوتیلگن کیله‌سی ییغینیده آلینیشی ممکن.
ینس استولتنبرگ بو سۉزلرنی، اۉتگن کون ییغینی اداغیده ژورنالیست‌لر بیلن اوتکزگن صحبت‌لریده تیلگه آلگن.
