افغانستانده طالبان حاکمیتی خلق‌ارا هم‌جمعیتی تامانیدن رسمی تَن آلینمسلیگی دوام ایتر اېکن، بو حاکمیت دنیا مملکت‌لریدن کوپراق علاقه قوریش‌نی خواهله‌دی.
طالبان باش وزیری نینگ سیاسی اۉرین باسری محمد عبدالکبیر، کابلده بیرقنچه مملکت‌لر ایلچی‌لری بیلن اوتکزگن افطارلیک‌ده بو خصوصده امید بېلدیرگن.
طالبان نینگ بو ییریک مقامی، کیله‌سی ییل افغانستانده کوپراق ایلچی‌لیکلر ایشیگی آچیلیشیگه امید بېلدیرگن.
طالبان باش وزیری نینگ سیاسی اۉرین باسری، همده افغانستانده داعش خواطری یۉق اېتیلگنینی ادعا قیلیب، بو خصوصده مملکت‌لر افغانستان‌دن خواطرده بۉلمه‌سین دیگن.
دیمک، طالبان شوندی بیرحالده بو خصوصده امید بیلدیرماقده دیر که حاضر بو حاکمیت هیچ بیر مملکت تامانیدن رسمی تَن آلینمه‌گن.
خلق‌ارا هم‌جمعیتی بو خصوصده طالبان برابریده، انسان حق‌لری رعایت اېتیلیشی، برچه شامل حکومت قوریلیشی و عصیانچیلیککه قرشی کوره‌شلیشی کبی شرط‌لرنی قویگن.
طالبان اېسە بو شرط‌لرنی هیچ بیریسی خصوصیده دنیا رضایت‌نی قۉلگه کیلتیرمه‌گن.
