تخار ولایتیده طالبان امنیه قوماندان‌لیگی مسئوللری نینگ ایتیشلریچه، اوشبو ولایت‌ده یوز بېرگن ترافیکی بیر حادثه عاقبتیده، بیر کیشی جان بېریب و تۉرت کیشی اېسه یره‌لنگن.
تخار ولایتیده طالبان امنیه قوماندان‌لیگی سوزلاوچیسی عبدالمبین صافی نینگ ایتیشیچه، مذکور ترافیکی حادثه بوکون آقشم چاغی تالقان شهری اوچینچی خوفسیزلیک حوزه اطرافیده یوز بېرگن.
امنیه قوماندان‌لیگی سوزلاوچیسی گه کۉره، اوشبو حادثه خواجه‌غار تومنی امنیه قوماندان‌لیگی نینگ تولی اورین باسری بولگن «رنجر» تیپلی بیر موتر نینگ «مازدا» تیپلی بیر موتر بیلن توقنشگنی نتیجه‌‌سیده، رنجر تیپلی موتر یولاوچیلریدن بیر کیشی جان بېریب و تۉرت کیشی اېسه یره‌لنگن.
صافی نینگ کوپه‌یتیریشیچه، رنجر تیپلی موتر یولاوچیلریدن برچه‌سی خواجه‌غار تومنی امنیه قوماندان‌لیگی کوچلری اېکن.
