اروپا فوتبال اتفاقی اۉتگن سه‌شنبه کونی، قهرمانلر لیگی نینگ بو هفته جریانی‌ده‌گی اۉیین‌لری داعش دیب نام‌لنگن اسلامی دولت گروهی نینگ تهدیدی بیلن، برنامه اساسیده دوام قیلیشی نی اعلام قیلدی.
فرانس پرس یېتکرمه‌سی گزارشیده، مذکور گروه گه تیگیشلی بیر یېتکرمه نیچه پوست ترقه‌تیش بیلن سه‌شنبه و چهارشنبه کونلری پاریس، مادرید و لندن ده چارک فینال اۉیین‌لری اۉتکزیله‌دیگن استدیوم‌لری گه هجوم قیلیشی نی ایسته‌گن.
اروپا فوتبال اتفاقی بیر بیانیه آرقه‌لی، بو هفته اروپا قهرمانلر لیگی اۉیین‌لری گه قرشی ترور تهدیدلری موجود‌لیگی‌دن خبردار اېکنلیگی نی بیان قیلگن.
یوفا یا که اروپا فوتبال اتفاقی نینگ ایتیشیچه، برچه اۉیین‌لر امنیتی تدبیرلر بیلن برنامه اساسیده اۉتکزیله‌دی.
