هه‌نگاو اسملی انسان حقوقی بیر نهاد نینگ ایتیشیچه، ۲۰۲۴-ییل نینگ باشلنگنی‌دن بویان ایران اسلامی جمهوریتی قماقخانهلریده کمیده ۱۴ افغانستان یشاوچیسی اعدام اېتیلگن.
هه‌نگاو نهادی گه کۉره، اۉتگن هفته ایران نینگ مشهد و تبریز مرکزی قماقخانهلریده بیش افغانستان یشاوچیسی نینگ اعدام اېتیلیشی بیلن بیرگه بو رقم ۱۴ کیشی گه ییتیشگن.
مذکور انسان حقوقی نهادی نینگ گزارشی اساسیده، اوشبو بیش کیشی‌دن بیرته‌سی چهارشنبه کونی ۲۹-حمل، تبریز نینگ قماقخانه‌لریدن بیریده قتل عیبلاوی بیلن اعدام بۉلگن.
شونینگدېک پنج‌شنبه کونی ۳۰-حمل مشهد مرکزی قماقخانه‌سیده اېسه باشقه ۴ افغانستان یشاوچیسی اعدام اېتیلگن.
ایتیلیشچه اولردن ایکی‌ته‌سی ایناغه بۉلیب، بیش ییل آلدین مخدره ماده گه تېگیشلی جرملر عیبلاوی بیلن قۉلگه آلینگن ایکنلر.
ایتیش کېره‌ک که، ۲۰۲۳-ییل‌ده ایران قماقخانهلریده ۲۸ افغانستان یشاوچیسی اعدام اېتیلگن.
