طالبان تشقی ایشلر وزیرلیگی، بو وزیرلیک سرپرستی امیرخان متقی و افغانستان بۉییچه روسیه جمهور باشلیغی نینگ مخصوص وکیلی ضمیر کابلوف اوچره‌شوویدن خبر بېردی.
اوشبو خصوصده ترقه‌تیلگن بیانات‌گه اساس، متقی و کابلوف افغانستان اوچون بۉلگن دوحه کیله‌سی ییغینی و ایکی مملکت ارا علاقه‌لر کوچه‌یشی خصوصیده سۉزله‌شگن.
طالبان تشقی ایشلر وزیرلیگی نینگ سرپرستی اوشبو اوچره‌شووده اولردن بیر وکیل قتنه‌شیشی همده بو وکیل قتنه‌شیشی اوچون ییغین قنده‌یلیگی خصوصیده ایضاح بېریلیشینی اورغوله‌شگن.
بونگه قوشیمچه امیرخان متقی ینه بیربار بیرلشکن ملتلر تشکیلاتی تامانیدن افغانستان خصوصیده مخصوص وکیل تانیشتیریلیشیگه قرشی ایکنلرینی معلوم قیلگن.
ضمیرکابلوف هم دوحه ییغینیده طالبان حضورینی اونملی اوقیب، دنیادن افغانستان خصوصیده ایکی میکانیزم‌لیک بیر رویکرد آلیش‌نی سۉره‌گن.
