تخار ولایتی نینگ بیرقنچه اهالیسی و بو ولایت‌ده سپورت‌گه قیزیققن بیرقنچه کیشی‌لر، «سلام جام جهانی» دېب، افغانستان فوتسال تیرمه جماعه‌سی جهان جامی‌گه یۉل تاپکنینی خوش قرشی‌لدیلر.
تخارلیکلر گه کۉره، افغانستان فوتسال تیرمه جماعه‌سی نینگ جهان جام‌گه یۉل تاپیشی اولر اوچون سپورت دنیاسیدن بۉلگن، قیزیق و یاقیملی خبر اېدی.
اولر اوشبو یوتوق‌نی قدرلب، افغانستان نینگ سپورت بۉلیمی دنیا بۉیلب، کتته کتته یوتوق‌لرگه قۉل تاپیشیگه امید بېلدیره‌دیلر.
دیمک، افغانستان فوتسال تیرمه جماعه‌سی ایلک‌بار جهان جامی‌گه یۉل تاپدی.
بو یوتوق افغانستان فوتسال تیرمه جماعه‌سی نینگ اۉتگن کون قرغیزستان‌گه قرشی بۉلگن غلبه‌سیدن کیین قۉلگه کېلدی.
بو یوتوق اېسه افغانستان نینگ تورلی منطقه‌لریده یخشی کوتیب آلیندی و افغانستان نینگ سابق سیاسی سیمالریدن بیرقطاری شونینگدېک طالبان سۉزلاوچیسی هم بو یوتوق‌نی تبریک‌لگن.
ایتیش کېره‌ک که افغانستان نینگ سپورت بۉلیمی اوچون بۉلگن توجه‌سیزلیکلر هردایم شکایتلرگه باعث بۉلیب کېلماقده.
