افغانستان‌ده انسان حقلری وضعیتی اۉتگن کون دوشنبه، ۱۰ – ثور بیرلشکن ملتلر تشکیلاتی انسان حقلری کېنگشیده محاکمه اېتیلدی.
اوشبو ییغین‌ده، اشتراکچیلری افغانستان انسان حقلری وضعیتی تاباره یامان‌لشیب باره‌یاتکنیدن خواطر بیلدیرگن.
بیرلشکن ملتلر تشکیلاتی انسان حقلری کېنگشی نینگ بو ییغینیده قطار مملکتلر طالبان‌دن انسان حقلرینی نظرگه توتیش‌لرینی سۉره‌ب، افغانستان‌ده خاتین-قیزلرنی اوقیش و ایش حقی کبی انسان حقلری قیته بېریلیشینی سۉره‌گن.
بو ییغین‌ده همده طالبان بو خصوصده جواب‌گرلیککه تارتیلیشی و بو حاکمیت بیلن بۉلگن هر قنده‌ی علاقه انسان حقلری رعایت اېتیلیش شرطی بیلن بۉلیشی اورغوله‌نگن.
ایتیش کېره‌ک که طالبان اۉزینی حاکمیتی دوریده هیچ قچان بو کبی ایسته‌کلرگه توجه قره‌تمه‌گن و عیاللرگه قرشی چیکلاولرنی عملگه آشیریش‌گه دوام بېرماقده.
