آسوشیتدپرس یېتکرمه‌سی بوکون، سه‌شنبه اۉچینچی ثور بیر گزارش ترقه‌تیب، طالبان افغانستان‌گه کوپراق سیاح‌لرنی جذب اېتیش اوچون تلاش اېتماقده دېگن.
اوشبو گزارش‌گه اساس اخیرگی ایکی ییل ایچیده، افغانستان‌گه سیاح‌لر کېلیشی کوپه‌یگن و بو سیاح‌لرنی کوپینچه‌سی اېسه چین مملکتی‌نینگ فقراسی دیر.
آسوشیتدپرس یېتکرمه‌سی گزارشیگه بیریلگن معلومات‌گه اساس، میلادی ۲۰۲۳ – ییل جریانیده، ۷۰۰۰ چیت‌ایللیک سیاح افغانستان‌دن کوریب چیققن.
بو رقم میلادی ۲۰۲۲ – ییل جریانیده ۲۳۰۰ کیشی اېگن و میلادی ۲۰۲۱ – ییل جریانیده اېسه ۶۹۱ کیشی رویخط‌گه آلینگن.
شونینگدېک بو گزارش‌‌ده، سیاح‌لر قرشی‌سیده افغانستان‌ده یۉل بوزوق‌لیگی همده طالبان نینگ ایریم چیکلاولری کبی بیرقنچه معمالر موجودلیگی هم اَیتیلگن.
آسوشیتدپرس بو گزارشیده، طالبان دوریده افغانستان اقتصادی وضعیتی یامان‌لشگنی و قشاق‌لیک رقمی آشگنیدن هم خبر بېرگن.
شونینگدېک، بو یېتکرمه اۉزینی گزارشیده معلوم قیلیشیچه، طالبان حاکمیتیده بۉلگن افغانستان فقراسی قوله‌یلیک بیلن هیچ بیر مملکت ویزاسینی قۉلگه کیلتیریش‌گه قادر اېمس.
