بوکون جمعه اۉچینچی می یاده ۱۴ – ثور خلق‌را یېتکرمه‌لر ایرکین‌لیک کونی‌گه ماس دیر.
بو ییل، اوشبو کون شوندی بیرحالده ییتیب کېلماقده دیر که اخیرگی ییل‌لر ایچیده، طالبان حاکمیتی آستیده بۉلگن افغانستان‌ده یېتکرمه‌لرنی ایرکین‌لیک وضعیتی خواطرگه توشگن.
طالبان کمیده، ۱۷ بویروغ بیلن یېتکرمه‌لرگه قرشی چیکلاولرنی یره‌تگن و بونگه قوشیمچه، ژورنالیست‌لر و یېتکرمه‌لر فعالیتی اوستیده طالبان باسیمی کوپه‌یشی گزارش بېریلماقده.
دیمک، حاضر طالبان حاکمیتی دوریده، یېتکرمه‌لر فعالیت‌لرینی قولب-قوتلش اوچون هیچ قندی آچیق بیر قانون یۉق و یېتکرمه‌لرنی حمایه قیلووچی نهادلر فعالیت‌لری هم آزه‌یگن.
اوشبو وضعیت باعث، اۉتگن ایکی ییل جریانیده، افغانستان بۉیلب کوپلب ژورنالیست‌لر طالبان تامانیدن توتقین‌گه آلیندی و کوپلب یېتکرمه فعالیتی اېسه تورلی قیینچلیکلر باعث تۉخته‌تیلدی.
اخیرگی کونلر ایچیده طالبان، «نور و بریا» نامی آستیده بۉلگن ایکی یېتکرمه فعالیت‌نی تۉخته‌تدی.
