اۉتگن کون جمعه ۱۴ – ثور بدخشان ولایتی نینگ درایم اولسواللیگیده، اهالی طالبان‌گه قرشی توریب، ناراضلیک نمایش یۉلگه تشله‌دیلر.
اوشبو ناراضلیک نمایشلر بیرینچی بۉلیب درایم اولسواللیگی نینگ «قرلق» قشلاغیدن باشلندی و کیین اېسه بو اولسواللیک بۉیلب، کمیده ۱۵ قشلاق یشاوچیلری مذکور ناراضلیک نمایش‌لرگه قوشیلدی‌لر.
اۉزبېک تی‌وی بیلن شریک اېتیلگن معلومات‌لرگه کۉره، بو ناراضلیک نمایش جمعه کونی پیشین‌دن کیین باشلنگن.
محلی منبع‌لر تامانیدن بیریلگن معلومات‌گه کۉره، جمعه نمازی چاغی طالبان حربی کوچلریدن قطاری، تریاک اېکیلیش گمانی بیلن، یشش بیر اوی‌گه باستیریب کیره‌دیلر و بو اوی نینگ ایرکک‌لری نماز جمعه‌گه کېتگنی باعث طالبان کوچلرینی اوی‌گه کېریب کېیلیشی اوی عیاللری قرشی‌لیگی بیلن یوز مه یوز بوله‌دی.
کیین طالبان کوچلری بو اوی‌ده بار عیاللر بیلن یامان یانده‌شووده بۉلیب، بیر عیال‌نی کلتک‌لشگه هم اولگوره‌دیلر.
معلومات‌لرگه کۉره، طالبان نینگ اوشبو حرکتی همده طالبان تامانیدن نظام‌الدین ناملی بیر کیشی اۉلدیریلیشی‌گه قرشی ناراضلیک نمایشلر بوکون شنبه ۱۵ – ثور هم دوام اېتماقده.
طالبان قیلمیش‌دن غضب‌لنگن درایم تومن یشاوچیلری، حاضرگه قدر جنازه‌لرینی توپراققه تاپشیرگن اېمس و نظام‌الدین ناملی کیشی‌نی اۉلدیرگن طالبان اعضاسی اهالی‌گه تاپشیریلیشینی کوتیب تورگن.
درایم اولسواللیگی قرلق قشلاق‌نینگ اهالی‌سینی حکایت قیلیشیچه، طالبان کوچلری باستیریب کېرگن اوی عیاللری، اوی‌لریده هیچ بیر ایرکک یۉق دېب، شوباعث طالبان کوچلری اوی‌گه کېلمس‌لیگی اوچون قرآن قول‌لریده آلیب طالبان‌گه عذر قېله‌دیلر.
بیراق شوندی بۉلسه هم طالبان بو عیاللر بیلن یامان یانده‌شووده اوته‌دی.
بدخشان ولایت درایم اولسواللیگی یشاوچیلری اولرنی جنجلی تریاک اوچون اېمس بلکیم ناموس‌لری تامانیدن نقض اېتیلیشی دېب، طالبان‌نی پشتون کوچلری بو منطقه‌دن چیقیشینی سۉره‌یدیلر.
ایتیش کېره‌ک که طالبان نینگ بدخشان ولایتیدهگی محلی رسمی‌لری بو تومن دهقان‌لریدن ایریم کیشی‌لر ناتوغری فایده‌لنیشینی ادعا قېلگن.
معلومات‌لرگه کۉره، طالبان کوچلری حاضرگه قدر اعتراضچی بیر قنچه کیشی‌لرنی حبس‌گه هم آلگن.
