اۉزبېکستان تشقی ایشلر وزیری بختیار سعیدوف، بو مملکت نینگ بیر هیاتی ییتکچیلیگیده پاکستان پایتختی اسلام‌آبادگه بارگن.
دیمک، اۉزبېکستان تشقی ایشلر وزیری بو سفری جریانیده، پاکستان باش وزیری نینگ اۉرین باسری همده بو مملکت تشقی ایشلر وزیری اسحاقدار بیلن اوچره‌شیب، ایکی تامانلمه علاقه‌لرنی محاکمه قېلگن.
پاکستان تشقی ایشلر وزیرلیگی تامانیدن ترقه‌تیلگن بیانات‌گه اساس، اۉزبېکستان و پاکستان تشقی ایشلر وزیرلری اوچره‌شوویده، ایکی مملکت‌لر علاقه‌لری یخشی‌لنیشی خصوصیده بۉلگن مساله‌لر یانیده، اۉزبېکستان، افغانستان و پاکستان آره‌سیده‌گی تیمیر – یۉل لایحه‌سی تیزلیک بیلن عملگه آشیریلیشی اورغوله‌نگن.
دیمک، بوندن ایلگری اۉرته آسیا بیلن جنوبی آسیا مملکتلری نینگ افغانستان یۉلی آرقه‌لی بیربیراویگه باغلاوچی بۉلمیش، افغان-ترانس لایحه‌سینی عملگه آشیریش ایشی تیزلیک بیلن باشلنیشی خبر قیلینگن اېدی.
