طالبان باش وزیری نینگ سیاسی اۉرین باسری محمد عبدالکبیر حاضر افغانستان‌ده هیچ قنده‌ی تعصب و قوم‌گرالیک یۉق دېب ادعا قېلگن.
طالبان نینگ بو ییریک مقامی، اوشبو مساله‌نی کابل‌ده بیرقنچه هزاره قوم‌نینگ بویوکلری بیلن اوتکزگن ییغینیده تیلگه آلگن.
طالبان تامانیدن بو خصوصده ترقه‌تیلگن بیانات‌گه کۉره، هزاره قوم‌گه تېگیشلی اوشبو قوم بویوکلری هم افغانستان‌ده تعصب یکونلنگنینی اَیتگنلر.
اوشبو سۉزلر شوندی بیر حالده بیان بۉلینماقده دیر که یقین اۉچ ییل‌دن بۉیان طالبان کمیده ۹۸ فایز پشتون‌لردن شکل‌لنگن کابینه بیلن حکومتلریگه دوام بېرماقده.
بونگه قوشیمچه، طالبان خلق‌ارا همده ایچکی ایسته‌کلرگه قرشی برچه شامل حکومت ایجاد اېتیش‌گه تَن بېرگن اېمس.
شونینگدېک، طالبان عیاللرگه قرشی جنسی تبعیض آلیب، اولرنی سیاست‌دن چیقاریش علاوه اوقیش‌دن هم محروم قېلگن.
