بیرلشکن ملتلر تشکیلاتی نینگ آذیق-آوقت و ایکینچیلیک اداره‌سی افغانستان‌ده بوغدای حاصلاتی نینگ تیکشیریش جریانی باشلنگنیدن خبر بېردی.
دیمک، اوشبو اداره تامانیدن بوگون چهارشنبه، ۱۹ – ثور ترقه‌تیلگن بیانات‌گه اساس، بو خصوصده بۉلگن جریان افغانستان شرقی ولایت‌لریدن باشلنگن و بوتون افغانستان‌ده عملگه آشیریله‌دی.
آذیق-آوقت و ایکینچیلیک اداره‌سی بو ایش‌دن مقصد، افغانستان‌ده بوغدای حاصلاتی نینگ قنچه‌لیگی همده صفت‌نی بیلیش دیر.
بو قرار بیرلشکن ملتلر تشکیلاتی تامانیدن شوندی بیرحالده آلینماقده دیر که افغانستان نینگ کوپلب اهالیسی ایکینچیلیک بیلن شغل‌لنسه هم حاضر بو مملکت ایکینچیلیک محصولاتلری خصوصیده اۉز – اۉزینی تامین‌لشگه قادر اېمس.
باشقه تاماندن افغانستان‌ده جاری اقتصادی وضعیت باعث اهالی نینگ کوپلب قسمی ییگولیک ضروریات‌لرینی تامین‌لشگه یاردملرگه محتاج دیر.
