طالبان نینگ یېتکرمه‌لر خطالرینی تیکشیریش کمیسیونی نوبتده‌گی ییغینیده، افغانستان انترنشنل رادیو و تیلی کانالی‌نی تحریم قیلگن.
طالبان نینگ بو اداره‌سی، مذکور رادیو و تیلی‌کانال نی تعصب و شخصیت‌کشلیککه قۉل اۉریش‌گه عیب‌لگن.
بونگه قوشیمچه، طالبان بو یېتکرمه‌نی پاره‌خورلیککه هم عیب‌لگن.
شونینگدېک، بو کمیسیون افغانستان‌ده ژورنالیست‌لر و یېتکرمه ساحه‌سیده فعال بۉلگن کیشی‌لردن، افغانستان انترنشنل بیلن همکارلیک قیلمسلیکلرینی خواهله‌گن.
طالبان بو قرارنی شوندی بیرحالده اعلان قیلماقده دیر که بو گروه حاکمیتی دوریده افغانستان یېتکرمه‌لریگه قرشی جدی باسیم‌لر و چیکلاولر یره‌تیلگن.
ایتیش کېره‌ک که افغانستان انترنشنل خبری تیلی کانال، چیت‌ایل‌دن توریب، افغانستان خصوصیده یایین بېره‌دی.
حاضر بو رادیو و تیلی کانال ترماغی، افغانستان‌ده کوپلب ایزلاوچیگه ایگه بۉلگن مهم یېتکرمه‌لردن بیری دیر.
