طالبان مهاجرلر وزیرلیگی بیر کون ایچیده، ۲ مین و ۸۰۹ مهاجر، ایران مملکتیدن افغانستان‌گه قیتگنینی اعلان قیلدی
.
بو وزیرلیک تامانیدن ترقه‌تیلگن معلومات‌گه اساس، اوشبو مهاجرلر اۉتگن کون چهارشنبه، ۱۹ – ثور اسلام قلعه چیگره‌سی آرقه‌لی، افغانستان‌گه کېلگن.
بو مهاجرلر جمله‌سیدن ایریمی، اۉز رضایتی بیلن و ایریمی اېسه جبری حالده افغانستان‌گه کېلگن.
ایتیش کېره‌ک که بوندن ایلگری ایران ایچکی ایشلر وزیری اۉتگن بیر ییل جریانیده، ۱ میلیون و ۳۰۰ مینگ ناقانونی مهاجر ایران‌دن چیقاریلگنینی اعلان قیلگن اېدی.
بونگه علاوه، ایران مملکتی بو مملکت‌ده بار افغانستان‌لیک مهاجرلر قرشی‌سیده چیکلاولرنی یره‌تیب، اولرنی آغیر شرایط‌ده قویگن.
دیمک، افغانستان نینگ آغیر اقتصادی وضعیتی باعث، ایران تامانیدن چیقاریلیشیگه قره‌مسدن افغانستان کوپلب اهالیسی بو مملکت‌گه ایش قیدیریب، باریش‌گه اولگوره‌دیلر.
