بیرلشکن ملتلر تشکیلاتیگه تېگیشلی خلق‌ارا آذیق-آوقت دستوری بغلان ولایتیده سوو تاشقینی عاقبتیده جان بېرگنلر رقمی‌نی ۳۰۰ کیشی اعلان قیلدی.
مذکور تشکیلات تامانیدن بوکون شنبه، ۲۲ – ثور ترقه‌تیلگن معلومات‌گه اساس، اوشبو حادثه عاقبتیده بغلان ولایتیده ۱۰۰۰ یشش اوی هم بوزیلگن.
بیرلشکن ملتلر تشکیلاتی، سوو تاشقین‌لریدن زیان کورگنلر عایله‌لرگه آذیق_آوقت ترقه‌تیش جریانی باشلنگنیدن هم خبر بېرگن.
عینی حالده، افغانستان هواشناسلیک اداره‌سی اېرته هم، بغلان قوشیمچه افغانستان نینگ ۸ ولایتیده یامغیر یاغیشی بیلن بیرگه سوو تاشقینی یوز بېریشیدن آگاه‌لنتیرگن.
ایتیش کېره‌ک که اخیرگی سوو تاشقینلری افغانستان نینگ باشقه بیر قنچه ولایتلریده هم جانی قربان‌لیکلر و مالی زیان‌لرنی اورته‌گه آلیب کېلگن.
