اۉزبېکستان، طالبان حاکمیتیده آستیده بۉلگن افغانستان بیلن تورلی ساحه‌لرده علاقه‌لرینی سقله‌گن مملکت‌لر جمله‌سیدن دیر.
بو مملکت، طالبان‌نی رسمی تَن آلمسه هم بیراق بو حاکمیت بیلن اقتصادی مساله‌لر بۉییچه، علاقه‌لرینی تاباره کوچه‌یتیریب بارماقده.
اوشبو مقصد، اۉزبېکستان حکومتی، اۉتگن کمیده اۉچ ییل جریانیده، قنچه‌لر هیات افغانستان‌گه یوباریب، افغانستان و اۉزبېکستان آره‌سیده‌گی اقتصادی علاقهلرنی کوچه‌یتیریش یۉللرینی قیدیردی.
ینگی‌لیکده، بو مملکت ترانسپورت وزیری الهام محکموف همده اۉزبېکستان جمهور باشلیغی نینگ افغانستان بۉییچه مخصوص وکیلی عصمت الله ایرگاشف، بیر هیات بیلن بیرگه‌لیکده کابل‌گه کېلگن و طالبان ییریک مقاملری بیلن اوچره‌شماقده.
طالبان نظارتیده آستیده بۉلگن ارگ صحیفه‌سی، اۉزبېکستان‌لیک بو هیات بیلن طالبان باش وزیری نینگ سیاسی اۉرین‌باسری محمد عبدالکبیر، اوچره‌شووینی خبر قیلیب، بو اوچره‌شووده ایکی تامانلمه اقتصادی علاقه‌لر محاکمه اېتیلگنینی بیلدیرگن.
دیمک، اۉزبېکستان ترانسپورت وزیری اوشبو اوچره‌شووده، افغانستان‌گه بۉلگن سفریدن مقصد، افغانستان و اۉزبېکستان آره‌سیده سوداگرلیک علاقه‌لرینی کوچه‌یتیریش، اۉزبېکستان خصوصی سکتورنینگ افغانستان‌ده سرمایه یاتقیزیشی همده ایکی مملکت آره‌سیده ینگی شرطنامه‌لر امضالنیشی دېب اعلان قیلگن.
