طالبان نینگ کابل ولایت خوفسیزلیک قومندان‌لیگی سۉزلاوچیسی خالد زدران، بو حاکمیت استخبارات کوچلری آرقه‌لی، کابل‌ده داعش‌گه قرشی بیر حربی عملیات بجریلگنینی تصدیق‌لگن.
طالبان‌نی ادعا قیلیشیچه، اوشبو عملیات عاقبتیده، داعش گروهی نینگ مهم بیر ترماغی نابود اېتیلگن.
ایتیلیشیچه، طالبان نینگ بو حربی عملیاتی جولای آیی نینگ ۱۰ – کونی، کابل نینگ بیشینچی محله‌سیده اویوشتیریلگن.
ایتیش کېره‌ک که بوندن ایلگری طالبان، افغانستان‌ده داعش نابود اېتیلگنینی ادعا قیلگن اېدی، بیراق بیرلشکن ملتلر تشکیلاتی نینگ حساباتیده کېلیشیچه، حاضر افغانستان‌ده تۉرت مینگدن کوپراق داعش جنگری‌لری حضوری بار دیر.
