ایران مملکتی نینگ پایتختی تهران شهریده اۉتگن هفته جریانیده، حماس گروهی نینگ سیاسی بولیم باشلیغی اسماعیل هنیه نینگ اۉلدیریلیشی آرتیدن، منطقه‌ده اوروش و تۉقنه‌شوولری کۉپه‌یشی توغریسیده بۉلگن خواطرلر کیسکین آشماقده.
آکسیوس یېتکرمه‌سی نینگ گزارش بیریشیچه، امریکا قۉشمه ایالتلری تشقی ایشلر وزیری آنتونیو بلینکن، جی – ۷ گروهی تشقی ایشلر وزیرلری ییغینی‌ده دوشنبه کون‌دن کیین ایران اسلامی جمهوریتی نینگ اسراییل برابریده بۉلگن هجوملری باشلنیشی ممکن دیگن.
عینی حالده، جی – ۷ گروهی نینگ تشقی ایشلر وزیرلری مشترک بیانات نشر قیلیب، منطقه‌ده‌گی تۉقنه‌شوولر تامان‌لریدن بو تۉقنه‌شوولرنی جدی‌لشتیرمسلیکلرینی سۉره‌گن.
شونینگدېک اسلامی همکارلیکلر تشکیلاتی وزیرلر کېنگشی نینگ ییغینی‌ده هم غزه‌ده آتیش-کېسین برقرارلنیشی تاکید اېتیلگن.
ایتیش کېره‌ک که ایران اسلامی جمهوریتی و حماس گروهی اسراییل‌دن اسماعیل هنیه اۉلیمی برابریده قصاص آلیشلرینی بیلدیرگن.
