اسراییل نینگ منطقه‌ده بۉلگن هجوملری و حرکتلری آرتیدن، اۉتگن کیچه ایران اسلامی جمهوریتی بو مملکت‌گه قرشی راکته هجوملرنی اویوشتیرگن.
بو خصوصده نشر اېتیلگن خبرلرگه کۉره، «ایران اسلامی انقلابی قۉریقچیلری» نامی آستیده بۉلگن، حربی تشکیلاتی تامانیدن آتیلگن اۉنلرچه بالستیک راکته‌لر، اسراییل پایتختی «تل‌آویو» شهری‌گه قدر ییتیشیب بارگن. بیراق حاضرگه قدر بو هجوم زیان‌لری تۉغریسیده انیق بیلگی بېریلگن اېمس.
ایران بو هجومی آرتیدن، امریکا و اسراییل مملکتلری مناسبت بیلدیردی و امریکا جمهور باشلیغی جوبایدن، ایران بو هجوملری تاثیرلی اېمس اېدی دېب اعلام قیلگن.
شونینگدېک امریکا قوشمه ایالتلری و اسراییل بیرگه‌لیکده، ایران بو هجوملری‌گه جواب قیتریش‌نی تیکشیرماقده دېب هم خبر نشر قیلینماقده.
ایتیش کېره‌ک که بو هجوملر آرتیدن، یقین شرق اینقسه ایران و اسراییل مملکتلری خوفسیزلیگی خواطرلی بیرحالده توشیب قالگن.
بونی آرتیدن، ایران و اسراییل‌گه بۉلگن کۉپلب اوچیش‌لرهم بیکار اېتیلگنی خبر قیلینگن.
ایتیلیشیچه، کابل‌دن تهران و مشهد شهرلریده بۉلگن اوچیش‌لر بوگون چهارشنبه، ۱۱ – میزان تۉخته‌تیلگن.
عینی حالده، ایران و اسراییل نینگ بو تۉقنه‌شوولری، منطقه‌ده ینگی اوروش‌لرنی باشله‌شی هم ممکن دېب خواطر بیلدیریلماقده.
