بیرلشکن ملتلر تشکیلاتی اۉتگن کیچه بیر ییغین اۉتکزیب، افغانستان‌ده جاری انسان حقلری وضعیتیدن خواطر بیلدیرگن.
شونینگدېک بیرلشکن ملتلر تشکیلاتی انسان حقلری کېنگشی نینگ افغانستان اوچون مخصوص گزارشگری ریچارد بنت هم بو ییغین‌ده بیر گزارش نشر قیلگن.
بیرلشکن ملتلر تشکیلاتی گزارشگری تامانیدن تیارلنگن گزارش‌ده، افغانستان‌ده طالبان تامانیدن یره‌تیلگن چیکلاولر و انسان حقلری نقض اېتیلیشی جدی‌لشگنی معلوم قیلینگن.
عینی حالده اروپا اتفاقی هم افغانستان‌ده انسان حقلری وضعیتی جمله‌دن خاتین-قیزلرگه قرشی چیکلاولریدن خواطر بیلدیرگن.
اروپا اتفاقی طالبان‌دن افغانستان وضعیت‌نی تیکشیریش اوچون بیرلشکن ملتلر تشکیلاتی مخصوص گزارشگری‌گه رخصت بېریشلرینی سۉره‌گن.
