افغانستان اوغلاق لیگه‌سی آلتینچی دوری نینگ ایلک اۉیینی‌ده، سرپل بیلن فاریاب یاشلری اوغلاق جماعه‌‌لری بیر بیراوی‌گه قرشی میدان‌گه چیقدی.
بوگون اېرته‌لب کابل شهری نینگ یکه‌توت میدانیده باشله‌نگن بو اۉیین‌ده سرپل کوچلی بیر اۉیین کۉرسه‌تیب، ۷ – ۰ حسابی بیلن فاریاب یاشلری برابریده غلبه قازاندی.
بو اۉیین‌ده صفت پهلوان سرپل اوچون ایکی مراتبه اوغلاق‌نی حلال دایره‌سیگه ییتیشتیردی و قالگن بیش امتیاز هم نجیب پهلوان، عمر پهلوان، حاجی محمد پهلوان، ذبیح پهلوان و بختاور پهلوان آرقه‌لی حلال دایره‌سیگه ییتیشتیریلدی.
بو اۉیین‌ده سرپل جماعه‌سی اوغلاقچی‌لریدن صدرالحق پهلوان بیلن اونچه‌لیک چانس بیرگه اېمس اېدی و بو پهلوان نینگ ایکی گولی چانس‌سیزلیک بیلن قبول بۉلمه‌دی.
ایتیش کېره‌ک که اۉتگن دور افغانستان لیگه‌سی نینگ قهرمانی سرپل اوغلاق جماعه‌سی بو لیگه‌ده حاضر کوچلی جماعه‌لردن تانیله‌دی.
