افغانستان اۉزبېکلریدن تانیقلی فیلم اکتوری صدیق عابدی، اۉزی نینگ فیسبوک صحیفهسیده، اۉزبېکستان باشکینتی تاشکینت شهریده، اۉتکزیلگن فیلم فیستیوالیده اشتراک قیلگنیدن خبر بېردی.
عابدی نینگ یازیشیچه “بوگون ۲۶ – دسمبر، اۉزبېکستان سینماچیلری بیرلشمهسی چقیرووی بیلن تاشکینت شهریده، اۉزبېکستان نینگ ییل فیلملری فیستیوالیده اشتراک قیلدیم.”
ایتیش کېرهک که اۉزبېکستان مملکتیده، بیر نیچه کونلردن بویان فیلم فیستیوالی یۉلگه قۉییلگن.
اۉزبېکستانده اروپا اتفاقی نینگ نمایندهلیگی اۉتگن بیر بیانات نشر قیلیب، اۉزبېکستانده اروپالیک فیلملر فیستیوالی اۉتکزیلیب، بو فیستیوالده اروپا مملکتلریده ایشلب چیقاریلگن، بیر قنچه فیلملر کۉرگزمهده قۉییلگن.
بو فیلملر اۉزبېکستان و اروپا اتفاقی، سینما ساحهسیدهگی همکارلیکلری نینگ ۳۰ – ییللیگی چارچوبهسیده، ریجهلشتیریلگن.
دیمک اۉزبېکستان مملکتی نینگ سینماسی، اخیرگی ییللر ایچیده، رواجلنماقده دیر و بو مملکتده ایشلب چیقاریلگن فیلملرگه قیزیقیش اۉزبېکستانگه قوشیمچه، افغانستاندهگی اۉزبېکلر آرهسیده هم کۉپهیگن.
