اخیرگی بیر هفته ایچیده دنیا بیر نیچه مملکتی، کمیده آلتی اوچاق قولهشی واقعهسیگه گواه اېدی که بو واقعهلر کۉپلب انسانلردن قربانلیک آلدی.
مذکور واقعهلردن اوچ واقعهسی، یکشنبه کونی ۹ – جدی یوز بېردی.
خلقارا یېتکیرمهلر تامانیدن نشر اېتیلگن خبرلرگه کۉره، یکشنبه کونی اېرتهلب جنوبی کوریا نینگ «موآن» قونلغهسیده، بیر اوچاق ۱۸۱ یۉلاوچی و خدمهسی بیلن قولهب توشدی که بو واقعه عاقبتیده ۱۷۹ کیشی جان بېردی.
شونینگدېک اوشبو کونده، بیرلشکن عرب امیرلیگی نینگ «راس الخیمه» قیرغاقلریده هم کیچیک بیر اوچاق قولهب توشگن که بو واقعه عاقبتیده، ایکی کیشی جان بېرگن.
شنبهدن یکشنبهگه اوتر کیچه و یکشنبه کونی، ناروی و کانادا مملکتلریده هم ایکی اوچاق توشیش چاغی آلاو آلگن که بو ایکی واقعه هم جانی قربانلیککه باعث بۉلمهگن.
دیمک اۉتگن چهارشنبه کونی، قزاقستان مملکتیده آذربایجانلیک بیر اوچاق قولهب توشگنی عاقبتیده، ۳۸ کیشی هلاک بۉلگن اېدی.
عینی حالده اۉتگن هفته برازیل مملکتی «گرامادو» شهریده هم، بیر اوچاق قولهب توشگنی عاقبتیده اۉن کیشی جان بېرگنی خبر قیلینگن اېدی.
