سوریه مملکتی نینگ ینگی حکومتی مدافعه وزیرلیگی چوکاتیده، کمیده ۵۰ لوازم اوچون مقام تانیشتیرگن که بو مقاملر آرهسیده، آلتی کیشی چیت ایل وطنداشلری هم بارلیگی ایتیلماقده دیر.
یقینده سوریه مدافعه وزیرلیگیده، جنراللیک کبی یوقاری مرتبهلی لوازملرده تانیشتیریلگن مقاملر آرهسیده، اوچ اویغور، بیر تورکیه وطنداشی و ینه هم ایکی کیشی اردن و آلبانیا مملکتلریدن بار.
بو مسالهنی رویترز یېتکیرمهسی، سوریهلیک ایکی منبعدن نقل قیلیب خبر بېردی.
تحریر شام گروهی بو شخصلر، مذکور گروه بیلن بیرگه بشار اسدگه قرشی کورهشگن گروهلر آرهسیدن تانیشتیرگن. شونینگدېک سوریه ینگی حکومت بو شخصلر سوریهده یششی اوچون امکانیت یرهتیشینی اعلام قیلگن.
دېیرلی سوریهده بشاراسدگه قرشی بۉلگن اوروشلرده اۉزبېکستان وطنداشلری هم قتنشگن اېدی. بیراق حاضرگه قدر اولرنی تقدیری انیق بیللی اېمس.
