تورکیه نینگ ییریک شهرلریدن بۉلمیش استانبول شهریده، مینگلرچه کیشی ییغین اۉتکزیب، ینگی میلادی ییل نینگ فلسطین‌لیکلرنی حمایه‌لش بیلن باشله‌دیلر.
بوگون چهارشنبه، ۱۲ – جدی و ۱ – جنوری، اېرته‌لب استانبول مینگلرچه اهالیسی، بو شهر اینقسه تانیقلی «گالاتا» ناملی کوپریک اوستیده توپله‌نگن.
دېیرلی بو ییغین‌دن اساسی مقصد، میلادی ینگی ییل بیره‌مینی، فلسطین‌لیکلر بیلن همدردلیک کۉرسه‌تیش آرقه‌لی باشله‌ش دېب ایتیلگن.
شونینگدېک دنیا باشقه بیر نیچه شهرلریده هم، اهالی ینگی ییل بیره‌مینی فلسطین‌لیکلردن حمایه‌لرینی اعلام قیلیش مقصد ییغین‌لرگه خاص‌لشتیرگن.
دنیا بویلب فلسطین‌لیکلردن شوندی بیرحالده حمایه‌لر اعلام بۉلینماقده دیر که بو مملکت یشاوچیلری اینقسه غزه شهری اهالیسی، اسراییل هجوملری سبب آغیر شرایط‌نی باش‌دن کیچیریب کېلماقده‌لر.
معلومات‌لرگه کۉره، اسراییل و حماس گروهی آره‌سیده اوروش باشله‌نگنیدن بیری حاضرگه قدر ۴۵ مینگدن آرتیق فلسطین‌لیک جان بېرگن و ۱۰۸ مینگدن آرتیق کیشی اېسه یره‌لنگن.
شونینگدېک مذکور اوروش‌لر عاقبتیده بدرغه بۉلگن فلسطین‌لیکلر هم، حاضر آغیر شرایط‌ده کون‌وکیچه اۉتکزیب تورگنلری، خبر قیلینماقده دیر.
