اۉزبېکستان حکومتی نینگ مطبوعات بولیمی بیر بیانات نشر قیلیب، بو مملکت باش وزیری عبدالله عارف‌اف، قرغیزستان باش وزیری، عادل‌بیک قاسم علی‌اف و تاجکستان باش وزیری قاهر ولی‌زاده، آره‌سیده اوچره‌شوو اۉتکزیلگنیدن خبر بېردی.
بو اوچره‌شوو اۉزبېکستان مملکتی نینگ فرغانه ولایتیده، مذکور اوچ مملکت چیگره‌لری توته‌شگن نقطه‌ده اۉتکزیلگن.
اۉزبېکستان، قرغیزستان و تاجکستان مملکتلری باش وزیرلری اوچره‌شوولریده، تورلی ساحهلرده علاقهلری کېنگه‌یشینی تاکید قیلگنلر.
اۉزبېکستان دولتی نینگ مطبوعات بولیمی بیاناتیده کېلیشیچه ” تامان‌لر اوشبو اوچره‌شوو، اوچ مملکت دولت رهبرلری؛ اۉزبېکستان جمهور باشلیغی شوکت میرضیایف، قرغیزستان جمهور باشلیغی صدر جباروف و تاجکستان جمهور باشلیغی امامعلی رحمان اۉرته‌سیده همکارلیک و منطقه‌ای بیرله‌شیش‌نی مستحکم‌لش مقصدیده دولت چیگره‌سی مساله‌لری بۉییچه ایلگری ایریشیلگن کیلیشوولر دایره‌سی اساسیده اۉتکزیله‌یاتکنینی تاکیدلدی.”
شونینگدېک بو اوچ مملکت باش وزیرلری، آره‌لریده‌گی یخشی قوشنی‌چیلیک و کۉپ قیرره‌لی شریک‌لیک مناسبت‌لری رواجلنیشینی اورغوله‌گنلر.
