امریکا نماینده‌لر کېنگشی نینگ ینه بیر عضوی آنا لونا، بو مملکت تامانیدن افغانستان‌گه کۉرسه‌تیلگن مالی یاردملردن تنقید قیلدی.
دېیرلی امریکالیک بو سیاسی سیماسی اۉزی نینگ ایکس صحیفه‌سیده یازگن بیاناتیده بو حقده تنقید بیلدیرگن.
اونگه کۉره، امریکا شوندی بیرحالده طالبان‌گه یاردم بېرماقده دیر که بو گروه امریکا خوفسیزلیگینی تهدید قیلگن.
ایتیش کېره‌ک که بوندن ایلگری، امریکا نماینده‌لر کېنگشی نینگ باشقه بیر عضوی تیم بورچت بو مملکت جمهور باشلیغی دونالد ترامپ‌گه مکتوب یازیب، مذکور یاردملر تۉخته‌تیلیشینی طلب قیلگن اېدی.
اوشبو طلب‌لر امریکاده جدی بحثلرنی اۉرته‌گه آلیب کېلگن و بو بحث‌لر آرتیدن امریکا جمهور باشلیغی دونالد ترامپ هم طالبان‌گه یاردم یوباریلمسلیگینی تاکید قیلدی.
طالبان اېسه امریکا قوشمه ایالتلری بو گروه بیلن هیچ قندی مالی یاردم بېرمهگنینی ادعا قیلگن.
