پاکستان مملکتی اسلام عالمی‌ده قیزلر تعلیمی احوالی حقیده ییریک بیر ییغین‌دن میزبان‌لیک قیلدی.
ایتیلیشیچه، بو ییغین‌ده کمیده ۴۷ مملکت و تشکیلات وکیللری اشتراک قیلگن. بیراق طالبان اېسه بو ییغین‌ده اشتراک اېتیش‌گه تیار بۉلمه‌گن.
ییغین اشتراکچیلری جمله‌دن پاکستان باش وزیری شهباز شریف قیزلر اۉقیش‌دن تقیق‌لنیشیدن خواطر بیلدیرگن.
پاکستان باش وزیری قیزلر تعلیم‌دن تقیق‌لنیشینی زمانه نینگ کتته توسیق‌لیگی بیان قیلیب ایتیشیچه “بیز خلق‌ارا مسلمان‌لر بیرلشمه‌سی و بو ییغین‌نی تشکیل‌لشتیرگنلرنی قیزلر اۉقیشی قوللب-قوتلنیشی اوچون بۉلگن جدیت‌لرینی قدرله‌یمیز. چونکه زمانه‌میز نینگ بویوک بیر توسیق‌لیگی حقیده گپ کېتماقده دیر.”
شونیندېک خلق‌ارا مسلمان‌لر بیرلشمه‌سی نینگ باشلیغی محمدعیسی هم، طالبان تامانیدن قیزلر اۉقیشی تقیق‌لنگنیدن تنقید قیلگن.
اسلام آباد میزبان‌لیگیده اۉتکزیلیب تورگن ییغین‌ده نطق سۉزله‌گن محمد عیسی نینگ ایتیشیچه “قیزلر اۉقیشی جایز دیر، جایز بیر نرسه‌نی ناجایز دییش بونی اۉزی کتته گناه دیر.”
ایتیش کېره‌ک که طالبان خلق‌ارا و ایچکی تنقیدلرنی نظرگه توتمه‌ی افغانستان‌لیک قیزلرنی اۉقیش‌دن محروم سقله‌ب کېلماقده دیر. طالبان بو یانده‌شوو اسلامی مملکتلر تامانیدن هم قاره‌لنگن.
