بیرلشکن ملتلر تشکیلاتی نینگ باش کاتبی آنتونیو گوتریش و پاکستان نینگ باش وزیری اۉرین باسری همده تشقی ایشلر وزیری اسحاقدار آره‌سیده اوچره‌شوو بۉلیب اۉتگن.
بو حقده نشر اېتیلگن خبرلرگه کۉره، اوچره‌شووده بحث اېتیلگن مساله‌لردن بیری افغانستان وضعیتی اېدی.
پاکستان و بیرلشکن ملتلر تشکیلاتی بو مقاملری نینگ اوچره‌شوویده، افغانستان‌دن بۉلگن خوفسیزلیک خواطرلری بحث اېتیلگن.
پاکستان تشقی ایشلر وزیرلیگی تامانیدن نشر اېتیلگن بیانات اساسیده، بو اوچره‌شووده، افغانستان‌ده ترورچیلیککه قرشی کوره‌ش مقصدیده، بیرلشکن ملتلر تشکیلاتی نینگ همکارلیگی طلب قیلینگن.
ایتیش کېره‌ک که پاکستان، طالبان حاکمیتی آستیده بۉلگن افغانستان‌دن بو مملکتگه قرشی ناتینچ‌لیک واقعه‌لر اۉیوشتیریلیشینی ادعا قیله‌دی.
