بیرلشکن ملتلر تشکیلاتی نینگ باش کاتبی آنتونیو گوتریش، اۉزی نینگ ایکس صحیفه‌سیده نشر قیلگن ویدیو بیاناتیده، امریکا قوشمه ایالتلری نینگ دنیا بیر قنچه مملکتلری اوچون بۉلگن یاردملری آزه‌یشیدن خصوصیده مناسبت بیلدیردی.
گوتریش امریکا قوشمه ایالتلری نینگ بو خصوصده‌گی قراری، یاردم یوباریلیشی کوتیلگن مملکتلر برقرارلیگی اوچون سلبی تاثیر قوییشیدن خواطر بیلدیردی.
بیرلشکن ملتلر تشکیلاتی باش کاتبی نینگ ایتیشیچه “امریکالیکلرنینگ سخی‌لیگی یالغیز انسان‌لر جاننی قوتقریش اوچون اېمس بلکیم تینچ‌لیک تامین‌لنیشی و برقرارلیک اۉرته‌گه کېلیشی اوچون هم اساسی رولی بار. شو سبب امریکالیکلرنینگ برقرارلیگی اونگه باغلیق بۉلگن بو تینچ‌لیک و برقرارلیکلر وضعیت اوچون امریکا یاردملری اونملی دیر.”
شو بیلن بیرلشکن ملتلر تشکیلاتی نینگ باش کاتبی، امریکا انسان‌پرورلیک یاردملری تۉخته‌تیلیشی خصوصیده‌گی قراردن وازکیچیشی کېره‌ک دېب بیلدیردی.
ایتیش کېره‌ک که دونالد ترامپ حکومتی، دنیا بیر قنچه مملکتلری جمله‌دن افغانستان اوچون بۉلگن امریکا یاردملری تۉخته‌تیلیشی خصوصیده قرار آلماقده دیر.
