طالبان صناعت و سوداگرلیک وزیرلیگی نینگ اعلام قیلیشیچه، بو وزیرلیک رسمی‌لری بیلن اۉزبېکستان رسمی‌لری آره‌سیده، بیر ییغین اۉتکزیلیب، سوداگرلیک و اقتصادی مساله‌لری محاکمه اېتیلگن.
طالبان صناعت و سوداگرلیک وزیرلیگی بو ییغین‌‌ده، طالبان تامانیدن بو حاکمیت صناعت و سوداگرلیک وزیرلیگی سرپرستی نورالدین عزیزی و اۉزبېکستان تامانیدن، بو مملکت سرمایه یاتقیزیش، اقتصادیات و سوداگرلیک وزیری لزیز قدرت‌اف اشتراک قیلگن.
طالبان صناعت و سوداگرلیک وزیرلیگی نینگ یازیشیچه “بو اوچره‌شووده، افغانستان تورلی ساحه‌لریده اۉزبېکستان سرمایه یاتقیزیشی، حیرتان‌ده اقتصادی و سوداگرلیک مجموعه‌سی قوریلیشی، آزیق-آوقت محصولاتلری نینگ ایشلب چیقاریش و پروسس قیلیش، دارو، قوریلیش ماده‌لری و شونگه اوخشش باشقه محصولاتلرنی ایشلب چیقاریش صناعتی، باغ ایجاد اېتیش، همده بلخ، سمنگان و کندوز ولایتلریده ۲۰۰ میلیون دالر ارزشگه میوه‌لرنی پروسس اېتیش کبی مهم مساله‌لر تۉغریسیده فکر المشتیریلدی.”
دېیرلی بو اوچره‌شووده، ترمذ شهریده افغانستان و اۉزبېکستان سوداگرلیک محصولاتلری نینگ مشترک کۉرگزمه‌سی اۉتکزیلبشی حقیده هم بحث اېتیلگن.
