کندوز ولایتیده طالبان محلی رسمی‌لری نینگ اعلام قیلیشیچه، بو ولایت مرکزی و اولسواللیکلریده، ایکینزارلرنی چیگیرتکه‌لر تهدیدی‌دن سقلش اوچون دارو سیپیش کمپاینی باشلنگن.
بو حقده نشر اېتیلگن خبرلرگه کۉره، مذکور کمپاین دشت آبادان منطقه‌سیدن باشلنیب، کندوز مرکزی‌ده‌گی ایکینزارلرگه علاوه، امام صاحب، آقتاش، چهاردره و دشت ارچی اولسواللیکلریده عملگه آشیریله‌دی.
دېیرلی بو کمپاین بیرلشکن ملتلر تشکیلاتی نینگ آزیق-آوقت و ایکینچیلیک اداره‌سی مالی همکارلیگی بیلن عملگه آشیریلماقده دیر.
ایتیش کېره‌ک که بوندن بیر هفته ایلگری، بیرلشکن ملتلر تشکیلاتی نینگ اوشبو اداره‌سی، افغانستان شمالی ولایتلریده‌گی ایکینزارلرگه قرشی چیگیرتکه‌لر تهدیدی‌دن آگاه‌لنتیرگن اېدی.
