اۉزبېکستان تشقی ایشلر وزیری بختیار سعیدوف، چین/خیتای تشقی ایشلر وزیری وانگ‌یی بیلن ثمره‌لی ملاقات اۉتکزگنیدن خبر بېردی.
اۉزبېکستان تشقی ایشلر وزیری اۉزی نینگ ایکس صحیفه‌سیده یازگن بیاناتیده، آلماتی شهریده اۉتکزیلگن بو اوچره‌شووده، ایکی مملکت‌ارا مناسبت‌لرگه قوشیمچه منطقوی مساله‌لر حقیده هم، فکر المشتیریلگنینی بیلدیرگن.
اۉزبېکستان تشقی ایشلر وزیری نینگ یازیشیچه “اۉزبېکستان و خیتای/چین اۉرته‌سیده‌گی هر تامانلمه استراتیژیک شریکلیک مناسبت‌لرینی چوقورلشتیریش مساله‌لری یوزه‌سیدن آچیق فکر المشدیک. صحبت‌میز سودا، ترانسپورت-لوجستیک علاقه‌لری، منطقوی خوفسیزلیک و خلق‌ارا همکارلیک کبی کینگ کۉلملی یۉنه‌لیشلرنی قمره‌ب آلدی.”
شونینگدېک اۉزبېکستان تشقی ایشلر وزیری، اۉزبېکستان نینگ ترقیاتی، برقرار، فراوان و اۉزارا باغلنگن منطقه‌نی برپا اېتیش‌گه قره‌تیلگن اینتیلیش‌لر اوچون هم چین تشقی ایشلر وزیری‌گه منتدارچیلیک بیلدیرگنینی تیلگه آلدی.
