آذربایجان حکومتی تامانیدن تورکیه نینگ قهرمان ماراش منطقه‌سیده «آذربایجان شهرچه‌سی» ناملی آستیده‌گی شهرچه قوریلیب، زلزله‌دن زیان کۉرگنلرگه تاپشیریلدی.
دېیرلی مذکور شهرچه، ۲۵۰ اوی ساغلیق، اۉقیش و باشقه عامه خذمت‌لر بنالریدن عبارت بۉلیب، بوگون زلزله‌دن زیان کۉرگنلرگه تاپشیریلدی.
اوشبو شهرچه اوی‌لرینی تاپشیریش ییریک احتفالی‌ده تورکیه جمهور باشلیغی رجب طیب اردوغان و آذربایجان جمهور باشلیغی الهام علی‌اف اشتراک قیلدی.
تورکیه و آذربایجان دولت رهبرلری، ایکی مملکت اۉرته‌سیده‌گی دوست‌لیک و یخشی مناسبت‌نی فخرلی بیان قیلیب، بو مناسبت‌لر دوامینی تاکید قیلدی‌لر.
ایتیش کېره‌ک که بوندن ایلگری، آذربایجان حکومتی مذکور شهرچه کمیده ۱۰۰ میلیون دالر سرمایه بیلن قوریلیشینی اعلام قیلگن اېدی.
